ਤਜਿੰਦਰਪਾਲ ਪਿੰਟਾ, ਤਪਾ ਮੰਡੀ

ਬੀਤੇ ਦਿਨੀਂ ਗੈਸ ਪਲਾਂਟ ‘ਚ ਗੈਸ ਚੜ੍ਹਨ ਕਾਰਨ ਇੰਜੀਨੀਅਰ ਸਮੇਤ 2 ਜਣਿਆਂ ਦੀ ਮੌਤ ਦੇ ਮਾਮਲੇ ‘ਚ ਪੁਲਿਸ ਨੇ ਥਾਣਾ ਤਪਾ ‘ਚ ਮਾਮਲਾ ਦਰਜ ਕੀਤਾ ਹੈ।

ਪੁਲਿਸ ਨੂੰ ਦਰਜ ਕਰਵਾਏ ਬਿਆਨਾਂ ‘ਚ ਸੁਨੀਲ ਕੁਮਾਰ ਵਾਸੀ ਨਾਰਸਲ ਕਲਾਂ ਜ਼ਿਲ੍ਹਾ ਹਰਿਦੁਆਰ ਨੇ ਦੱਸਿਆ ਕਿ ਮੇਰਾ ਭਰਾ ਅਨਿਲ ਕੁਮਾਰ ਤੇ ਮੋਹਿਤ ਕੁਮਾਰ ਵਾਸੀ ਨਾਰਸਲ ਕਲਾਂ ਪਿਛਲੇ 6 ਮਹੀਨਿਆਂ ਤੋਂ ਮੈਸ. ਟੀ.ਕੇ ਇੰਟਰਨੈਸ਼ਨਲ ਤਾਜੋਕੇ ਰੋਡ ਤਪਾ ਵਿਖੇ ਕੰਮ ਕਰਦੇ ਸਨ।

ਬੀਤੀ 10 ਦਸੰਬਰ ਨੂੰ ਕੰਪਨੀ ਦੇ ਹੁਕਮਾਂ ਅਧੀਨ ਗੈਸ ਪਲਾਂਟ ‘ਚ ਲੱਗੀ ਪਾਈਪ ਨੂੰ ਠੀਕ ਕਰ ਰਹੇ ਸਨ ਤਾਂ ਅਚਾਨਕ ਪੌੜੀ ਫਿਸਲਣ ਕਾਰਨ ਅਨਿਲ ਕੁਮਾਰ ਗੈਸ ਪਲਾਂਟ ‘ਚ ਡਿੱਗ ਗਿਆ, ਜਿਸਨੂੰ ਬਚਾਉਣ ਲਈ ਮੋਹਿਤ ਕੁਮਾਰ ਹੇਠਾਂ ਉਤਰਿਆ।

ਪਰ ਗੈਸ ਚੜ੍ਹਨ ਕਾਰਨ ਦੋਵਾਂ ਦੀ ਮੌਤ ਹੋ ਗਈ।

ਉਸਨੇ ਦੱਸਿਆ ਕਿ ਦੋਵਾਂ ਦੀ ਮੌਤ ਮੈਸ. ਟੀ.ਕੇ ਇੰਟਰਨੈਸ਼ਨਲ ਵੱਲੋਂ ਕੋਈ ਵੀ ਸੁਰੱਖਿਆ ਉਪਕਰਨ ਨਾ ਵਰਤਣ ਕਾਰਨ ਤੇ ਲਾਪ੍ਰਵਾਹੀ ਕਾਰਨ ਹੋਈ ਹੈ।

ਪੁਲਿਸ ਨੇ ਸੁਨੀਲ ਕੁਮਾਰ ਦੇ ਬਿਆਨਾਂ ‘ਤੇ ਕੰਪਨੀ ਪ੍ਰਬੰਧਕਾਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।

Posted By SonyGoyal